Արտաքին գործերի նախարարի տեղակալ Վահան Կոստանյանը հանդիպում է ունեցել Հայաստանում Իրանի Իսլամական Հանրապետության նորանշանակ դեսպան Խալիլ Շիրղոլամիի հետ։
Հանդիպումը տեղի է ունեցել դեսպանին հավատարմագրերի պատճենի հանձնման արարողության շրջանակում։ Տեղակալը շնորհավորել է դեսպանին նրա նոր պաշտոնի կապակցությամբ և հայտարարել, որ իր համոզմունքով նոր դեսպանը կնպաստի երկու երկրների միջև հարաբերությունների հետագա ամրապնդմանը։
Կողմերը քննարկել են Հայաստանի և Իրանի միջև առկա երկխոսության ռազմավարական բնույթը, փոխվստահության մթնոլորտը և երկուստեք պատրաստակամությունը շարունակել բազմաոլորտ համագործակցությունը։ Զրուցակիցները հատկապես ընդգծել են ենթակառուցվածքային ծրագրերի ոլորտում համագործակցության կարևորությունը։
Բացի այդ, կողմերը մտքեր են փոխանակել տարածաշրջանային և միջազգային օրակարգի մի շարք հարցերի շուրջ։
